Moti i keq detyroi pilotin e avionit personal të Mbretëreshës Elizabeth të qëndrojë për 15 minuta në ajër pasi ulja në aeroportin e Londrës ishte thuajse e pamundur.
Avioni privat me 13 vende i Mbretëreshës tentoi të ulej në RAF Northolt, në veriperëndim të Londrës, por më pas piloti u tërhoq nga vendimi për t’u ulur dhe fluturoi për 15 minuta të tjera, jashtë kohës së planifikuar.
Fluturimi nisi nga Aberdeen pas orës 13:00 nën një rrebesh shiu, ndërsa edhe në Londër gjeti një mot me rrufe dhe breshër.
Mbasi moti u qetësua, piloti bëri ulje të sigurtë në aeroport.
