Dua Lipa shton suksese edhe në pasuri.
Ajo renditet e dyta për pasurinë që ka ndër artistët nën 30 vjeç.
Harry Styles renditet i pari në këtë listë.
Teksa publikon albumin e tij të tretë solo, ish-ylli i ‘One Direction’, Harry Styles, 28 vjeç, i shton pasurisë së tij 25 milionë funte (29.5 milionë euro), duke e bërë atë muzikantin më të pasur nën moshën 30-vjeçare me një pasuri totale prej 100 milionë funtesh (118 milionë euro). Vitin e fundit këngëtari ka nisur një turne në Amerikën e Veriut dhe ka nxjerrë në shitje albumin e tij të dytë “Fine Line”.
Dua Lipa ngjitet në vendin e dytë në listën e muzikantëve të rinj.
Pasi rriti pasurinë e saj me 24 milionë funte (28.3 milionë euro) arrin një total prej 60 milionë funtesh (70 milionë euro), duke u barazuar me grupin e vajzave ‘Little Mix’.
