Mbasi Kryeministri Rama u shpreh, se do kërkoi shkëputjen nga Maqedonia e Veriut, po s’u “hapën negociatat deri në qershor, i menjëhershëm ka qënë reagimi i Berishës në një konferencë me gazetarët.
“Sot në Shqipëri është presidenti i Këshillit Europian. Unë e përshëndes vizitën e tij, por ajo që dua të shtoj është se përpjekja e Edi Ramës për të paraqitur murin bullgar si pengesë për hapjen e negociatave me Shqipërinë, janë trillime. Nuk është muri bullgar, është muri i krimit, muri i drogës, muri i vjedhjeve, ato që qëndrojnë në të vërtetë si faktor që mbyllin dyert e Shqipërisë për hapjen e negociatave.
Megjithatë unë jam këtu për t’i bërë thirrje BE-së dhe vendeve anëtare të hapin negociatat me Shqipërinë, siç tregonte me objektivitet rezoluta e PE. Shqipëria nuk i ka plotësuar kushtet, por mendoj se hapja e negociatave dhe qëndrimi në kapitujt përkatës për kushtet, është mënyra më e drejtë,” tha Berisha, duke shtuar se kështu Shqipëria po shkon drejt praktikës së partneritetit.
