A është kjo një pyetje që kushton një milion apo një euro, as që dua, aq më më pak jam unë ai që marrë përgjegjësinë ta vlerësoj çmimin e kësaj dileme.
Unë thjeshtë po mundohem ti përgjigjem kësaj pyetje-shqetësim si një patriot i dëshmuar, si një qytetar i përgjegjshëm dhe si një veprimtarë i përhershëm politik.
Roli Presidentit të Republikës në Kushtetutën e vendit dihet prej gjithëkujt që është më shumë se honorifik dhe është rrudhur ndër vite nga politikbërësit për ti dhënë rolin e “mbretit” kryeministrit i cili gjegjësisht është kryetari i partisë që vjedh zgjedhjet e radhës.
Në kushtet e degradimit thuajse total të institucioneve shtetërore duke u nisur nga deputetët e parlamentit dhe deri tek zyrtari më periferik i Republikës roli dhe zgjedhja e një Presidenti ndryshe këto kohë ka marrë një vemendje të shtuar në opinionin mediatik, politik dhe qytetar.
Kjo gjendje thuajse dëshpëruese besimi dhe shprese ka sjellë në vemendjen e publikut imperativin për gjetjen dhe zgjedhjen e një figure presidenciale që të ruajë sa është e mundur ekuilibrin jo vetëm të institucioneve të degraduara por edhe të rikthej shpresë dhe besim tek publiku për ti bindur ata, që shoqëria jonë ka mundësi dhe mekanizma që ta vet-vlerësoj vetën e saj dhe ta udhëheqë atë drejt një realiteti të ri dhe shpresëdhenës drejt të ardhmes.
Pyetjes një milion apo një euroshe, se cili duhet të jetë Presidenti i Republikës së Shqipërisë në këtë kamuflazh krize ekonomike, sociale dhe politike unë do ti përgjigjem me tre fjali të thjeshta.
1-Presidenti i Republikës duhet të jetë një njeri me histori të dëshmuar familjare që mbi gjithcka ka interesat e Atdheut dhe të Kombit të tij.
2-Presidenti i Republikës duhet të jetë një njeri që ka dëshmuar ndër dekada, jo vetëm përsonalisht, që nuk ka abuzuar, apo përdorur fonde publike në favor të vetës së tij apo njerëzve të afërt, aq më pak të jetë I rrezatuar nga patologjitë e korrupsionit masiv që ka kapur shtetin tonë.
3-Presidenti i Republikës në fund të fundit duhet të jetë NJERI, që pozicionin e Presidentit e konsideron si një vend punë në shërbim të popullit dhe Kombit të tij dhe jo si një pozitë ku mund të pasuroj vetën dhe familjen.
A i kanë tepruar Atdheut njerëz që mund ti plotësojnë këto tri kushte minimaliste???!!!
Unë them që PO, të paktën 1000 të tillë i njoh përsonalisht në të katër anët e Shqipërisë.
Që nga më i thjeshti i cili mund të jetë një fermer që jeton me djersën e tij, tek mësuesi i fshatit apo qytetit që u mëson matematikë, gjuhë shqipe, kimi-biologji fëmijëve të fermerit apo shitësit ambulant të lagjes. Për të ardhur tek dhjetra përsonalitete të tjera të profileve të shkencëtarit, artistit, shkrimtarit, historianit apo intelektualit që nuk e kanë shitur as shpirtin, as dinjitetin e tyre tek politikanët hora që interesat e tyre i kanë vu mbi interesat e Atdheut dhe Kombit.
A do të mund ti gjejnë dhe ti propozojnë aktorët aktualë të politikës së vendit që bëjnë sikur janë të angazhuar seriozisht në këtë proces NJERËZ të këtij soji ???!!!
Dyshues mbetem, mekatarët e kanë të vështirë në mos të pamundur të zgjedhin engjëjt për ti pas mby “krye”!!!
Koha është gjykatësi më i mirë.
Le të shpresojmë për mirë…
Tiranë me 19 Maj 2022
