Ndriçim Mehmeti/ Buxheti i harresës së arsimit…

Edhe këtë, vit si dy-tri vitet e fundit, buxheti i arsimit kaloi në Komisionin e Edukimit, me një monolog të gjatë, pa pikëza e pa presje të ministres së arsimit, shoqëruar nga fytyrat e qeshura e deri diku edhe të shashistisura, të deputeteve socialiste, të cilat, duken se nuk kuptuan asgjë,nga ato që tha kolegia e tyre.
Gjithsesi, nga ajo që dëguam, Ministrja, na bëri me dije se:
1. Nuk kanë ndërmend as të ngrejnë apo të paktën të indeksojnë pagën e mësuesve të APU dhe as të pedagogëve;
2. Nuk u tha asnjë fjalë, për uljen e normës së mësuesit, moshës së pensionit apo të flitej për shtesa page për vështirësi në punë, transportin, mjetet didatike, etj.
3. Paga e 13-të, do të mbetet sërish një endërr në sirtar për gjithë mësuesit;
4. Kampuset universitare, biblioteka digjitale, shtimi i laboratorëve, rankimi i programeve të studimit në IAL publike private, programi antiplagjatur, do të viojojnë të jenë vetëm në letër;
5. Kërkimi shkencor do të mbetet aty ku ishte, duke u bazuar vetëm tek programi Erasmus + dhe asgjë më tepër.
Dhe në fund dëgjuam te njëjtin refren, si çdo herë në këto 13 vjet: “Po miratojmë buxhetin më të madh, që ka pasur ndonjëherë arsimi, nga Bato i Breukëve në shek. 6 p.e.sonë dhe deri më sot, në shek. XXI”.
Pra edhe 2027, do të shkojë, si viti që po lemë pas, por asksush nuk nxorri asnjë zë: Nga mësues e pedagog e deri tek deputet e politikan (sepse këta të fundit, janë shumë të zënë, me shkeljet e të drejtave të Erjonit).
Ndërkaq trupa mësimore, po përgatitet të shtrëngoj sërish rripin, të realizoj plan buxhetin e mundësisht të kursej ndonjë lek për shtetin, duke blerë vetë mjetet mësimore dhe të bëj fotokopje me lek nga xhepi.
P.s. Ju lutem më kurseni komentet, të tipit: ” Nuk flasim se na heqin nga puna”; “flasim po nuk na dëgjon njeri, etj”.