Duke parë nisjen me sukses të vizitës së Kryetarit të Partisë Demokratike Prof. Dr. Sali Berisha, takimet e tij në New York, pritjen e përzemërt nga bashkëatdhetarët tanë në New Jersey dhe fjalimin e tij historik dje, “spin doktori i mediave” dhe kreu i narko-qeverisë në Shqipëri, ka hedhur në sulm lukuninë për ti mbushur mendjen shqiptarëve se kjo vizitë është e dobët dhe mënyra dhe arsyet e vajtjes së Z. Berisha në Amerikë janë pavlerë.
U lodhën këto ditë, patronazhistë të dirigjuar, anti-mitingashë të paguar, analistë të tërbuar, se nuk gëlltisin dot atë që kanë nxjerrë më parë, duke u munduar të sfumojnë triumfin e vërtetë të qëndresës dhe heqjen e absurdit “non grata”.
Sikur kjo të mos kish të mbaruar sepse ende nuk e dinë dhe nuk e kuptojnë dimensionin e kësaj vizite historike, dhe takimet e rëndësishme që priten të zhvillohen në Dallas këto ditë, sot ka zbarkuar në Tiranë.
Ambasador Zampolli, mik i Presidentit të Amerikës, Ambasador për Partnership Global dhe lobist për disa qeveri në botë, midis tyre edhe i krye narkosit tonë, për të na sjellë mesazhin e Shtetit Bektashi, sikur ky vjen si mesazh nga administrata amerikane.
Loja me shtetin bektashi vazhdon nga Rama pasi siç duket është premtim që ky i ka bërë Kryeministrit të Izraelit në këmbim të lobimit për Bordin e Paqes dhe reabilitimin e tij nga Administrata e Presidentit Trump.
Edi Rama ende nuk e kupton, ose e kupton dhe me ligësi dhe djallëzi vazhdon të punojë kundër interesave kombëtar të shqiptarëve dhe Shqipërisë, duke shitur vendin si plaçkë lufte. Ai e ka futur vendin në qorrsokak, në një përballje midis lobeve hebrej në botë dhe e ka sjellë këtë përballje në Shqipëri. Nga njëra anë luan me qeverinë aktuale të Izraelit dhe përdor historinë e shqiptarëve me hebrejtë, dhe nga ana tjetër luan me Alex Sorosin dhe globalistët.
I ashtuquajturi “shteti bektashi” është krejtësisht kundër interesave kombëtar shqiptar, krijon konflikt të paqenë mes aleatëve të Shqipërisë, dhe mbi të gjitha është edhe kundër interesave amerikan dhe evropian në Ballkan.
Do të duhen vite dhe shumë punë për të ç’bërë dëmin ndërkombëtar, koklavitjen gjeopolitike ku e ka futur ky i paudhë Shqipërinë dhe shqiptarët, marrëveshjet e fshehta, dhe kontratat e shitjes së territorit shqiptar dhe burimeve natyrore të vendit, pa transparencë por vetëm si peng për shpëtimin e tij vetjak. Këtë ka bërë ky i paudhë edhe me Kosovën dhe udhëheqësit politik të saj keto 13 vite!
Të presim deri në datën 9 apo 10 shtator e të shohim se çfar tjetër do të prodhojë mendja e sëmurë e “spin doktorit” dhe e gjitha kjo në varësi të takimeve të shumëpritura të Z. Berisha në Teksas, pikërisht në zonën VIP të Koventës Republikane, të cilën e hap vetë Presidenti më i fuqishëm i botës Donald J Trump….
