Reagimi i plotë:
Deklaratë e Partisë Demokratike
Gjatë vizitës së tij në #Beograd, Presidenti Zelenski deklaroi se nuk do e njihte shtetin e pavarur të Kosovës, madje më qartë, shpalljen e njëanshme të Pavarësisë së Kosovës.
Me keqardhje deklarojmë se kjo deklaratë nga përfaqesues i një vendi mik është jashtë çdo konteksti historik dhe bie haptas ndesh me vendimet historike të Aleancës së Atlantikut të Veriut dhe vendeve kryesore të saj, por dhe me të drejtën, ligjin ndërkombëtar, vendimet e Gjykatës së #OKB, që kanë sanksionuar legjimitetin e shpalljes së Pavarësisë së Kosovës 🇽🇰
Përveç kësaj, #Ukraina, në luftën e saj heroike kundër agresionit barbar rus, ka patur dhe ka mbështetjen më të plotë nga mbarë kombi shqiptar, #Shqipëria dhe #Kosova, ndërkohë që deri dje #Serbia si Rusia e vogël ishte prapavija e fuqishme e Rusisë në agresionin e saj kundër Ukrainës.
Partia Demokratike hedh poshtë një deklaratë të tillë dhe e konsideron si një nxitje të serbomadhit Vuçiq për qëndrime dhe veprime destabilizuese, që janë dhe interesi më i mirë i Vladimir Putinit dhe Rusisë.
