Kuvendi në këtë sesion, në shkelje të rregullores, sabotoi miratimin e Projekt Ligjit “Për mbrojtjen e Fëmijëve e të Rinjve nga Propaganda Gender”.
Duke filluar nga Kryetari i Kuvendit, drejtuesit e grupit dhe komisioneve Parlamentare të maxhorancës e deri te deputetët e saj, nē mënyrë aktive apo me heshtjen e tyre, bllokuan për disa muaj këtë Projekt Ligj tejet të rëndësishëm.
Duke i krijuar kështu “hapësirë të lirë ” Ideologjisë Gender, një rrezik ekstrem ky për të rinjtë dhe për shoqërinë në tërësi.
Kardinal Robert Sarah e quajti këto ditë në PE: “Një bishë apokaliptike që shkatërron jo vetëm Familjen, por dhe njeriun vetë”, qëndrim ky i njëjtë në parim edhe nga Komunitetet e tjera fetare shqiptare.
Duke i krijuar kështu mundësi aplikimit të “terapive hormonale” për ndryshimin e seksit prej moshës 13,5 vjec, kriminale kjo, pa asnjë mbështetje ligjore.
Por vetëm si një “aksion” i mbështetur mbi “filozofitë” majtiste populiste të Rilindjes, mbi ideologjizmat LGBTq, nën diktatin Sorosian, që synojnë të shkatërrojnë themelin e shoqërisë, Familjen prej një Burri e një Grua, me shpresë fëmijet.
Kuvendi ynë, të gjithë ata deputetë që me veprimet apo heshtjen e tyre, u bënë aktorë apo bashkëfajetor për thellimin e këtyre veprimeve kriminale, për të sotmen e të ardhmen e shoqërisë sonë, kanë në koshiencën e tyre një “njollë të zezë ”.
Përgjegjësi ka dhe ajo pjesë e opinionit tonë, medias së lirë, që akoma nuk janë bërë “bashkëluftetarë” aktivë për t”ju kundërvënë këtyre tentativave kriminale për deformimin e vlerave e “Ligjeve” të Perëndisë a natyrës, mbi të cilat mbështetet egzistenca e shoqërisë sonë.
Nuk besoj se mund të ketë motiv më gjithëpërfshirës, fondamental e poliedrik, në protestat kundër këtij regjimi, që krahas shkatërrimit të ekonomisë, demokracisë, lirive themelore, po vë në rrezik Familjen, Shoqërinë tonë, Njeriun vetë!
