Çizmja e Rilindjes çdo ditë e më fortë në grykën e shqiptarëve.
Në sajë të reformës territoriale ,pritet që Partia Socialiste në mënyrë të njëanshme të miratojë zvogëlimin e numrit të bashkive . Një ndër bashkitë që shkrihet është edhe bashkia Këlcyrë . Kjo gjë NUK duhet të lejohet të ndodhë në mënyrë kategorike, mbështetur në një sërë faktorësh tepër të rëndësishëm në raport me cilësinë e jetës së banorëve të bashkisë Këlcyrë.
1- SHTRIRJA GJEOGRAFIKE
Bashkia Këlcyrë është një bashki me karakter rural dhe e bazuar në shtrirjen gjeografike ,shkrirja e saj largon shërbimet nga banorët dhe si rrjedhojë çon në largimin edhe të atyre pak banorëve që kanë ngelë ne zonat rurale .Pasojat që sjell largimi I pushtetit lokal nga banorët nuk janë në kuadrin e parashikimeve por mbështetur në pasojat që po vuajnë sot ata banorë nga reforma e vitit 2015. Me shkrirjen e komunave rezultoi një dështim total në raport me shërbimet dhe investimet në këto zona .Reformë e cila çoi në një shpopullim të theksuar të fshatrave të bashkisë Këlcyrë .
Është provuar se sa më larg të jetë administrata nga qytetarët ,aq më e vështirë bëhet jeta e banorëve.
Në një zonë me shtrirje malore si Këlcyra ,distanca fizike midis banorëve dhe shërbimeve është tejet e rëndësishme .Në rastin konkret ,nëse bashkia Këlcyrë bashkohet me Përmetin,banorëve të zonave të largëta rurale do ti’u duhet të udhëtojnë më shumë se 40 km për të kërkuar shërbimin e nevojshëm .Çka do të thotë kosto transporti dhe kohe shumë më e gjatë.
2- ZËRI I BANORËVE
Në rast shkrirje, në mënyrë të padiskutueshme përfaqësimi zvogëlohet . Zëri I qytetarëve nuk dëgjohet ,dhe vendimet merren më larg .
3- ZHVILLIMI EKONOMIK LOKAL
Qënia e Këlcyrës si bashki më vete, bën të mundur të mos ngelet fokus periferik I bashkisë Përmet, por ka qasje më të dretëpërdrejtë në fushat kryesore të zhvillimit siç janë:
*Bisnesi
*Bujqësia
*Blektoria
*Turizmi etj.
4- HISTORIA E QYTETIT TË KËLCYRËS
Këlcyra ka identitet historik ,kulturor dhe gjeografik te veçantë.Ekzistenca e Këlcyrës dhe popullimi I saj dëshmohet edhe nga kalaja Ilire dhe banimet e asaj periudhe. Në dokumentat osmane të vitit 1431 ajo përmendet si qendër vilajeti.
》Për ta përmbledhur,si pasojë e shkrirjes së bashkisë ,bën që Këlcyra të kthehet në një zonë dytësore ,duke fokusuar investimet në Përmet si dhe banorët humbasin aksesin e shpejtë. Këlcyra dhe Përmeti janë dy qytete jo shumë larg në distancë fizike por janë kryekëput dy steriotipe të ndryshme .Këto janë disa nga arsyet pse Këlcyra duhet të mos preket nga ndarja territoriale . Skema e qëllimshme e shpopullimit që po aplikohet për mbi një dekadë po synohet të përmbyllet me këtë reformë .
■Ndaj sot është momenti që përtejë bindjeve politike të gjithsecilit,duhet të reagojmë sa nuk është vonë. Punonjës të administratës,këshilltarë etj kupa ka kohë që është mbushur dhe po zbrazet,ndaj REAGONI.Dinjiteti nuk blihet dhe nuk falet,ai ruhet. Lëreni mënjanë tifozllëkun partiak,bëni të mundur të prevalojë interesi i përbashkët përballë atij personal të një rroge, që ju ka kthyer në njerëz të vegjël dhe memecë ,duke shitur gjënë më të çmuar, lirinë.
Vendimet për Këlcyrën duhet t’i marrin banorët e saj,jo bajlozët si Rama, Mazniku e kompani.
P.s : vërtet Këlcyra ska pas as drejtim e as administrim, për fat të keq, por kjo nuk do të thotë se zgjidhja është shkrirja e saj si bashki.
