Basir Çollaku/ Protesta drejtohet nga protesta

Prej 6 ditësh nga sot, në Tiranë por jo vetëm, protestojnë mijëra shqiptarë. U nis nga një shkrepëse dhune në Zvërnec. U duk se një investim 4 miliardë euro ku janë pjesë e sipërmarrjes Ivanka Trump dhe bashkëshorti i saj Jared Kushner, prodhoi kundërshtarë. Zonë e mbrojtur! Projekti jo transparent. Toka me probleme pronësie dhe faktesh penale. Një kryeministër dredharak e gënjeshtar turret të përfitojë. Ka dështuar. Shpejt protestuesit zgjeruan qëndrimin. E kolauduan. Bënë mirë. Dorëheqje kryeministrit dhe largim qeverie. Legjitime. Pati dhe nga ata vrapues të mjergullt, apo qokëbërës informativë, si kërkues të dorëheqjes së opozitës. Utopi mendimi dhe komedi e ngjyrosur keq. Anija në det e avioni në ajër. Ndërrimi i vendeve mbyt çdo pasagjer. Organizimi i reagimeve globalisht të bashkëatdhetarëve, kapërceu edhe ndjeshmërinë për luftën e Kosovës. Çka flet jo për veprim çasti, por për zgjedhje çasti.
Protesta nuk është gjykatë por revoltë dhe zemëratë
Protesta nuk ndërron brenda javës pushtet por krijon tjetër realitet
Protesta nuk është kombëtare nëse buburrecë kandidatë politikë mbjellin përçarje.
Protesta bashkon të majtë, të djathtë të paparti, kur ka kryefjalë Shqipëri. Ka tek tuk nëpër protestë, delirantë të dedikuar si objekte synetllëku nga koka te këmbët. Përpiqen të hedhin shashka me kosto për besime e pushtime. Ato turma duhet ti briskojë.
Investimi amerikan është fuqi, mashtrimi qeveritar është fajësi. Fajtorët ndaj nesh t’kërkojmë në Tiranë, jo në Uashington, nga na ka ardhur gjithmonë mbështetja e egzistencës për Shqipëri-Kosovë, si komb.
Mediet ndërkimbëtare po e shesin si protestë kundër investimit Trump. Ky është kurthi ku dikush ka rënë ndoshta pa dashje, e përfitues janë palë vizitorë, pjesëmarrës, qelizë organizimi. Janë përplasje ndërkombëtare, për të cilat shumë e shumë protestues nuk kanë aspak dijeni. Është turizëm elitar thonë disa. Edhe?! Kemi kilometra pafund edhe për bukë, djathë e domate
Është zonë e mbrojtur flasin të tjerë
Po edhe në të tillë zonë ka investime brenda standardeve të kërkuara.
Komuniteti nuk është pyetur?! Jo. Të negociohet me to patjetër.
Ka banda e emra të krimit të organizuar aksionerë trojesh në projekt, përmendin disa të tjerë, me akses shkresor
Nëse po, fajin e kanë amerikanët?! Jo!
Drejtësia jonë? Po.
Protestuesit? Aspak jo !
Ka pushtetarë e politikanë me interesa aty si në shumë investime të sajuara kanibalisht për vete?!
Mbase. Të denoncohen publikisht e ndëshkohen ligjërisht
Kemi një çështje prej 15 vitesh në hetim pa vendim. Edhe kjo është një arsye shumë e fortë për të protestuar.
Por investime të këtij kalibri janë Shqipëria nesër. Është mundësi për një vend të dukshëm turistik në hartën e botës. Nuk kalojnë çdo vit, çdo mandat, çdo dekadë, raste të tilla.
Ka pafund të tjera. Por nuk duhet harruar. Duhet menduar. Sepse rrotull kësaj proteste, anash, brenda, larg saj, ka sehirxhinj, nxitës e fikës sot, të cilët kur të mbarojë do të jenë duarfërkues më shumë se qytetarët.
Mbi 1.5 milionë shqiptarë votojnë për PD dhe PS, kjo nuk ndryshon me llampë “Aladini” se tre fërkime ka ajo. Nuk dalin as teptojnë. Shumica e tyre, janë mbështetës e pjesëmarrës në protestë. Edhe ndaj vetvetes. Për të ndryshuar. Dhe do të jenë aktorë marrës vendimi. Duke mos u bindur nëse ndryshimi përdoret. Protesta për çdo parti dhe vendin duhet të jetë Pastrim Kimik i brendshëm dhe jashtë vetes.
Ky reagim duhet të rrisë GARANCI për të siguruar votën. Me të të pastrojë çdo lloj kënete e moçali politik, kriminal, oligarkik, ekonomik, mediatik, shoqëror. Kjo e regjistron atë si PROTESTE me histori në histori..