Mbas shpalljes së rezultatit të Referendumit për Kryetarin e PD, Sali Berisha ka dalë para gazetarëve dhe shumë mbeshtetësve.
Ai falenderoj çdo demokrat që morri pjesë në votime dhe u shpreh, se me këtë ushtri prej 40 mijë qendrestar, do përmbysi diktaturën e Edi Ramës.
Më parë kishte qenë Vokshi në një dalje për mediat, ku shpalli rezultatet paraprake të votimit.
Kryetarja e Komisionit të Organizimit dhe Kontrollit të Operacioneve Elektorale, Albana
Vokshi: 39441 demokratë votuan në referendum, Sali Berisha konfirmohet me 37,341 vota pro
Kryetarja e Komisionit të Organizimit dhe Kontrollit të Operacioneve Elektorale, Albana Vokshi, ka publikuar rezultatet e referendumit për kryetar në Partinë Demokratike.
Vokshi deklaroi se, Sali Berisha është konfirmuar në detyrë me 37341.
Vokshi: Sot në 23 maj, demokratët në të gjithë vendin ishin të ftuar për të vendosur drejtimin e Partisë Demokratike.
Përmes një procesi transparent, të rregullt, të qetë, të monitoruar gjerësisht nga media, pa asnjë pengesë për të, si dhe të karakterizuar nga një pjesëmarrje masive e anëtarëve të Partisë Demokratike.
Nga përpunimi i të dhënave paraprake, pra kontaktet që kemi pasur me degët, 77 degët e Partisë Demokratike, ku votuan në 87 qendra votimi, nga rezultatet paraprake pra të procesit, kemi si më poshtë vijon.
Numri total i votave të numëruara pra, numri total i pjesëmarrësve është 39,441.
Nga këto, rezulton, vota të vlefshme 38,902.
Vota të pavlefshme 539.
Nga votat e vlefshme, vota pro kryetarit Sali Berisha 37,341.
Vota kundër 1,055.
Vota abstenim 506.
