Në një mocion mosbesimi ndaj qeverisë së tij, Parlamenti i Rumanisë ka rrëzuar kryeministrin e qendrës së djathtë Ilie Bolojan, pas miratimit të
Votimi është kryer ditën e sotme.
“Ky mocion mosbesimi është i rremë, cinik dhe artificial”, u shpreh Bolojani gjatë debatit të tensionuar të mbajtur para votimit. “Çdo vend, në një mori krizash, do të përpiqej të konsolidonte qeveritë, jo t’i ndryshonte ato.”
Kujtojmë se, Partia Social Demokratike (PSD) e qendrës së majtë luajti rolin kryesor në votimin e mocionit të mosbesimit.
Shtrëngua nga politikat e ashpra të qeverisë, muajin e kaluar grupi u tërhoq nga kabineti i udhëhequr nga Partia Kombëtare Liberale e Bolojanit dhe njoftoi se do të punonte me Aleancën për Bashkimin e Rumunëve të ekstremit të djathtë për të rrëzuar kryeministrin.
Ky veprim erdhi si surprizë për grupin e Socialistëve dhe Demokratëve në Parlamentin Europian, të cilit i përket PSD-ja. Pasi kaloi vite duke e qortuar Partinë Popullore Europiane të qendrës së djathtë për krijimin e aleancave të ngjashme me të djathtën ekstreme, zhvillimet në Rumani e vunë grupin kryesor të qendrës së majtë të BE-së në një pozitë të vështirë.
Bolojani dhe Partia e tij Kombëtare Liberale e qendrës së djathtë kanë qenë në pushtet që nga viti 2025, pas dorëheqjes së ish-kryeministrit Marcel Ciolacu . Largimi i tij vjen më pak se një vit pasi Rumania mbajti zgjedhje presidenciale në të cilat kryebashkiaku i moderuar i Bukureshtit, Nicușor Dan, mundi udhëheqësin e Aleancës për Bashkimin e Rumunëve, George Simion .
Simion konsiderohet gjerësisht si truri ideator pas rënies së Bolojanit. Partia e tij e ekstremit të djathtë po rritet në sondazhe dhe shanset e saj ka të ngjarë të përmirësohen edhe më tej në një periudhë paqëndrueshmërie të zgjatur që do të kërcënojë perspektivën ekonomike tashmë të pasigurt të vendit.
