Në Itali është diagnostikuar një pacient me sëmundjen e ashtuquajtur “Ethet e Nilit” dhe pavarësisht trajtimit spitalor, nuk ka mundur t’ja dalë.
Dje, dt 16 korrik, institucionet mjekësore të vendit fqinj raportuan se pacienti humbi jetën.
Duke gjykuar se kjo sëmundje transmetohet dhe ndërveprimi midis dy vendeve dhe popujve është shumë i afërt, ky rast është paralajmërim për rritjen e kujdesit dhe vlerësimit të çdo simptome.
Çfarë është kjo sëmundje dhe kush janë simptomat ?
Po i rendisim më poshtë :
Ethet e Nilit Perëndimor është një sëmundje virale që shkaktohet nga virusi i Nilit Perëndimor; emri i së cilës rrjedh nga dega e Nilit Perëndimor në Ugandë, dhe për herë të parë është diagnostikuar në 1937 te një grua që vuante nga një temperaturë shumë e lartë.
Simptomat
Periudha e inkubacionit për ethet e Nilit Perëndimor varion nga 2 deri në 15 ditë dhe në format më të lehta sëmundja zgjat nga 3 deri në 6 ditë.
Rreth 80% e rasteve të transmetuara te njerëzit nuk manifestojnë simptoma. Kur manifestohen simptomat ato janë shumë të ngjashme me gripin:
temperaturë e moderuar.
gjendje parehatie e përgjithshme.
ulje të oreksit
të përziera.
dhembje koke.
dhembje sysh.
dhembje shpine.
dhembje muskujsh.
kollë.
puçrra.
diarre.
nyje imfatike të zmadhuara.
vështirësi në frymëmarrje.
Format më të rënda të sëmundjes, që kërkojnë trajtim të specializuar, karakterizohen nga simptoma më të rënda, si:
temperaturë e lartë.
encefalit.
meningjit.
dhembje të forta të kokës.
dobësi dhe paralizë të lehtë
simptoma gastrointestinale.
çorientim.
të dridhura.
konvulsione.
puçrra në kurriz, qafë, krahë dhe këmbë.
ataksi (humbja progresive e koordinimit të muskujve),
koma.
Në përgjithësi, kjo sëmundje është e shërueshme, megjithatë, për rreth 1% të pacientëve, mund të degjenerojë në meningjit ose encefalit, sidomos te personat e moshuar ose me imunitet të dobët.
