Në takimin e sotëm, ku prezantohej projektligji për Amnistinë fiskale, zv/kryeministri Arben Ahmetaj u shpreh:
Zyrtarët, politikanët, individët e skeduar për rekorde kriminale si dhe subjektet e OFL janë të përjashtuar nga amnistia fiskale.
Nga fjala e tij:
“Te kategoritë e përjashtuara do ta kuptoni që personat e dënuar janë të përjashtuar nga deklarimi vullnetar. Ecim me logjikën juridike të prezumimit të pafajësisë. Unë nuk dua të marr kohën tuaj me atë që kemi bërë. Përpjekjet tona për formalizimin janë shumë të rëndësishme dhe prekshme. Ata që e kanë ndjekur përpjekjen e qeverisë ndër vite të ardhurat ishin 24%, sot janë 28% e prodhimit të brendshëm. Është një kërcim shumë i rëndësishëm. 4% janë gati 600 e kusur milion dollar.
…Deklarimi vullnetar është koncepti shtyllë mes qytetarëve dhe shtetit. Në rastin konkret tatimi i posaçëm. Përjashtohen zyrtarët e lartë, të mesëm të sotëm dhe të dikurshëm, politikanët dhe familjarët e tyre.
Pasuritë e amnistuara nuk mund të transferohen jashtë vendit për 5 vite.”
