Ka muaj që mediat zbardhin e publikojnë skandale të njëmbasnjëshme nga gjendja e shërbimit shëndetësor në Shqipëri, ku rasti i onkologjikut ishte nga më të rëndët.
Në kohë të fushatës elektorale nën trysninë e opinionit publik qeveria po përpiqet të përmirësoj sado pak imazhin e shërbimit jetësor për qytetarët.
Nisur nga kjo gjendje, kryeministri Edi Rama ka shkuar në Izrael, ku ka bërë një vizitë në Qendrën Mjekësore Sheba në Tel Aviv.
Me anë të një video-mesazhi në rrjetet sociale, kreu i qeverisë përshkruan gjithë etapat e kësaj vizite dhe pamjet nga ambjentet e kësaj qendre të famshme mjekësore.
Mesazhi i kryeministrit Rama:
“📍Izrael – Në Qendrën Mjekësore Sheba në Tel Aviv, e rankuar 8-ta ndër spitalet e botës, e me të cilën po jetësojmë marrëveshjen e partneritetit me QSUT, duke nisur nga Onkologjiku ku tanimë ekipi i Sheba dhe ekipi ynë kujdesen bashkarisht, për të vazhduar me ngritjen në QSUT të qendrës së Sheba-s për inovacionin dhe inteligjencën artificiale🇦🇱🤝🇮🇱”
