Prezantimi i koalicionit “Shqipëria Madhështore”/ Berisha premton: Nafta s’do jetë asnjë qindarkë më e shtrenjtë se në Kosovë.

Kryetari i Partisë Demokratike, Sali Berisha, gjatë prezantimit të koalicionit “Shqipëria Madhështore”, ka bërë disa premtime për shqiptarët, duke e akuzuar qeverinë aktuale për dështim dhe korrupsion. Ai e quajti qeverinë e tanishme “të pashpirt” dhe premtoi ndryshime të mëdha nëse PD vjen në pushtet.
Berisha tha se koalicioni i tij do të nisë ndërtimin e Shqipërisë Madhështore duke u fokusuar në përmirësimin e kushteve ekonomike për qytetarët. Ai premtoi rrogë minimale prej 500 eurosh dhe rrogë mesatare prej 1200 euro, si dhe ulje të taksave që do të shërbejnë për rritjen e pagave dhe përmirësimin e shërbimeve. Berisha gjithashtu premtoi kartën e konsumatorit dhe ilaçe cilësore. Ilaçet do jenë krejt të tjera. S’do shiten ilaçe që kanë çerek efekti, do jenë cilësore. Kjo është një qeveri e pashpirt.
Për çmimet, ai theksoi se nafta nuk do të jetë më e shtrenjtë se në Kosovë dhe premtoi ulje të çmimit të energjisë, si dhe një çmim më të ulët për bizneset. Për të përndjekurit dhe pronarët, ai premtoi kompensim të plotë për çdo dëm që iu është shkaktuar.
Sali Berisha:  Ndërtimin e Shqipërisë madhështore ne e nisim nga dhimbja e shqiptarëve. Nuk do ketë rrogë minimale nën 500 euro dhe rrogë mesatare nuk do ketë nën 1200 euro. Taksat do të kthehen në rroga dhe shërbime. Ne premtojmë kartën e konsumatorit. Ilaçet do jenë krejt të tjera. S’do shiten ilaçe që kanë çerek efekti, do jenë cilësore. Kjo është një qeveri e pashpirt.
Këta përzunë gjitha kompanitë nga Tirana, i pushtuan vetë. Ne rrugët i ndërtuam me kompani të huaja, ndërsa këta ndërtojnë me Salillarin. Ilaçet i dominon Vil Manushi. Merr fund nafta me këtë çmim. Nafta s’do jetë asnjë qindarkë më e shtrenjtë se në Kosovë. Energjia do të ulet, do të jetë 7 lekë. Për biznesin, do të jetë 6 lekë. Pronarët dhe të përndjekurit brenda mandatit të parë do të marrin çdo qindarkë që iu takon.