Nga Xhevat Mustafa
Dje, në një llogje të zakonshme të tij televizive kryeministri Edi Rama tha, duke iu referuar shtimit “nën hundën e tij” dhe “pa përgjegjësi të tij personale” të pushtetarëve dhe zyrtarëve socialisto- rilindas në burgje se “nuk ka pyll pa derra”! Këtë përgjigje ia kishte dhënë pak ditë më parë edhe një gazetari gjerman, që e kishte prekur po në këtë “plagë” apo “pjesë lakuriq” të trupit të parti- qeverisë së tij.
E kuptueshme: si tru pjellor për premtime, mashtrime, sajime, justifikime, aktrime…, do ta gjente këtë përgjigje të pasinqertë, sa me la gojën e vet dhe pa bindur askend, as krejt të shurdhërit!
E verteta është se nuk është fjala më për një pyll, por për një Shqipëri të shndërruar në Amazonë apo Siberi, mbush me hajdutë, sa nuk nuk ka vende të lira ku me i fut e gardianë me i ruajt!
Ndoshta mund të jetë po kaq e saktë edhe shqiptarizimi i një përralle të moçme arabe? Sikur është afër së vërtetës edhe varianti që Shqipëria e Edi Ramës është bërë shumëfish më e madhe se shpella e Ali Babës! Domethënë, si një shpellë prej 28.748 kilometra katrorë mbush me 4000, 40.000, 400.000 hajdutë…, që nuk ndjejnë ndrojë, turp dhe keqardhje të vjedhin edhe shtëpinë e babës e të nanës?!
