Për të riun antikonformist nga Lushnja: botanika na mëson se petalet rrethojnë dhe mbrojnë sistemin riprodhues të luleve…
Për të riun antikonfirmist nga Lushnja jeta na mëson se trëndafili ka aromë të përkohshme, por gjemba të përjetshëm
Për të riun antikonformist nga Lushnja: etimologjia na mëson se fjala “servil” rrjedh nga latinishtja “servus” që don të thotë SKLLAV…
Për të riun antikonformist nga Lushnja: historia na mëson se perandorët dhe mbretërit e kanë dashur gjithmonë një oborr të mbushur me lule, jo për aromën apo bukurinë e tyre, por thjesht për të zbukuruar fasadën!
Për të riun antikonformist nga Lushnja: filozofia na mëson se ekziston një dallim i madh mes idealizmit dhe romantizmit politik. Idealistët sfidojnë pushtetin, ndërsa romantikët e glorifikojnë atë duke u krahasuar me petale, planetë dhe diej imagjinarë.
Për të riun antikonformist nga Lushnja: sociologjia na mëson se çdo regjim ka nevojë për të rinj që nuk pyesin, nuk sfidojnë, nuk kërkojnë llogari, por vetëm recitojnë vargje të përgatitura më parë në kuvende të mbushura me njerëz me lista dhe duartrokitje të komanduara.
Për të riun antikonformist nga Lushnja: letërsia na mëson se çdo oborr ka një grup rapsodësh që këndojnë lavdet e liderit, por historia na tregon se ata përfundojnë duke i kënduar/recituar udhëheqësit të radhës
Për të riun antikonformist nga Lushnja: ekonomia na mëson se kapitali politik i një të riu servil nuk qëndron te meritat, por te aftësia për të thënë atë që shefi do të dëgjojë, duke nënqeshur.
Për të riun antikonformist nga Lushnja: përtej gjithë metaforave me petale e planetë, një pyetje mbetet pa përgjigje: çfarë ndodh kur dielli politik perëndon dhe trendafili vyshket?
…: dhe që të mos na vyshket kureshtja, të publikojë dëshmitë e pranimit të DISA universiteteve europiane që i paskësh refuzuar?!
Për të riun antikonformist nga Lushnja e shkuara dhe e tashmja na mësojnë të pyesim: ku e ka përfunduar shkollën 8 – vjeçare?
