SENS & SIMPLICITY… në “Zemra e Ballkanit”.
Rragami, në veri apo qendër të Shqipërisë?
Këtë pozicion gjeografik nuk di ta ndaj, por që është zemra e Ballkanit, kjo nuk vihet në dyshim.
Është i heshtur dhe kaq pranë, që të ofron një sërë aktivitetesh të pakrahasueshme.
Vetëm15 km larg nga Vau i Dejës dhe mbërrihet në Ishullin e Shurdhahut.
S’duhet harruar se Sarda ishte zgjedhur nga një prej princave arbërorë të mesjetës si vend rezidencial për familjen e tij, i famshmi Lek Dukagjini.
Aty, ndërmerr një udhëtim me varkë dhe shehë pamjet piktoreske të liqenit Vau Dejës, vizitë në shpellat e Priftit dhe Pëllumbave.
S’mbaron këtu, qershia mbi tortë, qytetërimi mijëvjeçar në ishullin e Sardës/Shurdhahut, mahnitëse.
Kthimi për drekën e ëndërrave dhe plazh.
Gjithë kësaj eksperience ja shton lezetin Titi mikpritës, me shumë njohuri e dashni.
Sarda/Shurdhahu është kaq pranë… dhe nuk mund të mbetet i shurdhër.
Ne, shqiptarët, mund t’ja rikthejmë dëgjimin ishullit dhe vështrimin vetes.
