Emigrantët shqiptarë në vende të ndryshme të botës po ankihen se u dalin probleme të shumta për tu regjistruar!
Tashmë është hapur procesi i regjistrimit të diasporës, për të votuar në zgjedhjet parlamentare të 11 majit 2025, ku për herë të parë emigrantët do të kenë mundësinë të votojnë nga shteti ku punojnë dhe jetojnë.
PER është Platforma Elektronike e Regjistrimit, e cila do të ketë funksionin që zgjedhësit të votojnë nga jashtë Shqipërisë.
Aplikacioni gjendet në forma të ndryshme, së pari nga faqja zyrtare e Komisionit të Zgjedhjeve, por edhe mund të shkarkohet si aplikacion në telefon.
Disa shqiptarë që jetojnë dhe punojnë në Mbretërinë e Bashkuar kanë nisur menjëherê procedurat për regjistrimin si votues.
Emigrantët që kanë tentuar të tregjistrohen kanë vërejtur se ky proces ka probleme në funksionim
Ata kanë tentuar disa herë, sistemi nuk ka njohur të dhënat e deklaruara.
Kujtojmë se vetëm platforma elektronike e regjistrimit të votuesve ka kushtuar mbi 3 milionë euro dhe nëse problemet shfaqen që tani, çfarë mund të thuhet për më tej?
