Nga Rob Kore
Groenlanda ka një sipërfaqe afërsisht sa Franca, Gjermania, UK, Italia, Austria, Belgjika, Danimarka, Polonia, Hollanda, Irlanda dhe Portugalia të marra së bashku.
Pra shkurtimisht Groenlanda është nje kontinent më vete, i cili është pothuajse i pabanuar dhe rrjedhimisht i pazhvilluar.
Ka vetëm disa mijëra eskimezë, të cilët ishin dhe janë të keqtrajtuar nga Danimarka.
Me fuqizimin e Kinës dhe ekspansionin e saj ekonomik kudo në botë, Groenlanda është një nga pikësynimet e saj.
Kina ka filluar investimet në infrastrukturë.
Rusia gjithashtu ka prezencën e saj në Groenland
Groenlanda ka një potencial shumë të madh zhvillimi; sipërfaqe e madhe toke, ujra pa fund, minerale të shumta, por mbi të gjitha pozicion gjeografik i lakmuar.
Danimarka nuk ka forcë ekonomike të bëjë investime në Groenland.
Danimarka e ka patur gati 300 vjet dhe asnjë lloj zhvillimi.
Si pozicion gjeografik Groenlanda ndodhet ngjitur me Kanadanë dhe është me mijëra km larg Danimarkës.
Pra gjeografikisht Greonlanda, ndodhet më shumë në Amerikën e Veriut dhe jo në Europë siç e paraqesin disa.
Në këto kushte pyetja është:
A duhet Amerika ta lejojë Kinën të pushtojë ekonomikisht një vend ngjitur me Amerikën e Veriut.
Jo, e prerë.
Personalisht mendoj se Groenlandën duhet ta marri Amerika…
Ja përse:
1- Duhet ndalur ekspansioni kinez deri në dyert e Amerikës së Veriut.
2-Amerika (jo Danimarka) ka potencialin të ngrejë një civilizim të zhvilluar në vende me një klime të tille, një civilizim i cili do të jetë i barabartë me civilizimin e një prej vendeve më të mira në botë si Kanadaja.(klimë e njëjtë).
3- Historikisht vendet e zhvilluara kane marrë zona të egra të pazhvilluara dhe kanë ngritur civilizime më të mira se të mëparshmet, të cilat i shërbejnë rritjes së shpejtë të popullsisë së botës.
Kështu është krijuar vetë Amerika e pastaj me radhë Kanadaja, Australia, Zelanda e Re etj.
Nesër do zhvillohen zona si Groenlanda, Siberia, Saharaja etj, të cilat sot janë sipërfaqe të mëdha të globit të pazhvilluara.
4-Habitem me naivitetin e disa analistëve të cilët e shohin çështjen e Groenlandës si çështje që sipas tyre janë propozime të një “idjoti” si Trump dhe nuk e shohin si një çështje qe ka të bëjë me të ardhmen e perëndimit ndaj Kinës në veçanti, dhe BRICS si aleancë.
PS: Sa për dijeni Amerika ka tentuar pa sukses të marri Groenlandën edhe në vitin 1946.
Pra nuk është ide origjinale e Trump.
Trump ka këllqet që ta bëjë të mundur sot.
Nqs e realizon do jetë një nga trashëgimitë e presidencës së tij.
