Mbas ngjarjes së ndodhur në Zubin të Kosovës, mes faktorëve të tjerë shqiptarë ka reaguar edhe Kryetari i Partisë Lëvizja e Legalitetit, Shpetim Axhami.
Reagimi i plotë:
Akti i ndodhur në Zubin Potok, përbën një akt të përsëritur terrorist, ky akt është rezultat i nxitjeve nga qarqe të errëta serbe që vazhdojnë të mbjellin tensione dhe destabilizim në Kosovë duke cënuar sigurinë kombëtare.
Partia Lëvizja e Legalitetit e dënon me forcë këtë akt të shëmtuar kriminal dhe duke qëndruar gjithmonë në mbështetje e krah Kosovës, beson dhe inkurajon institucionet përkatëse të saj që të hetojnë dhe zbardhin sa më shpejt këtë ngjarje të rëndë, duke nxjerrë autorët përpara drejtësisë.
Mungesa e seriozitetit dhe e vullnetit të qeverisë serbe për të hetuar, zbuluar dhe dënuar siç duhet aktet terroriste të tilla ka lejuar përsëritjen e tyre, duke vështirësuar vendosjen e paqes dhe sigurisë në rajon, prandaj institucionet nderkombtare të sigurisë në Kosovë duhet ta vlerësojnë sa me më seriozitet këtë çështje.
