Shkon mbi 35 numri i protestuesve që janë shoqëruar këtë mbrëmje nga policia, në lidhje me protestën e zhvilluar mbasditen e sotme nga opozita.
Sikurse është njoftuar edhe më parë drejtuesi i degës së PD-së në njësinë nr.5, Fatmir Myrta u shoqërua nga policia te “Sheshi Willson”. Bashkë me Myrtën është shoqëruar edhe djali i tij në komisariatin nr.2 në kryeqytet.
Gjithashtu janë shoqëruar edhe dy zyrtaret demokrate të degës nr.5 në Tiranë, të cilat janë Linda Alushi dhe Elisabeta Skrapari.
Bashkë me ta është shoqëruar edhe Zyrah Kola, 70 vjeç, kryetare e një grupseksioni te dega nr.5 e Partisë Demokratike në Tiranë.
