Drejtoria e Sigurisë së Athinës, ka shpartalluar një organizatë kriminale që ushtronte aktivitet në furnizimin, magazinimin, falsifikimin dhe trafikimin të lëndëve narkotike në ishullin e Santorinit në Greqi.
Mediat greke bëjnë me dije se veprimtaria e tyre përqëndrohej kryesisht në lokalet e natës në ishullin turistik gjatë muajve të verës.
Për t’i dhënë fund kësaj veprimtarie kriminale, u krye një operacion në shkallë të gjerë, në kuadër të të cilit 4 anëtarë të grupit u arrestuan. Ndaj personave të arrestuar dhe një anëtari tjetër, aktualisht i paraburgosur u ngritën akuza për organizim dhe anëtarësim në organizatë kriminale, shkelje të legjislacionit për substancat e varësisë, për shkelje të legjislacionit për armët dhe dhunë ndaj punonjësve.
Rrjeti kriminal ishte i strukturuar në mënyrë hierarkike me një infrastrukturë profesionale dhe kishte hartuar një plan veprimi metodik dhe të detajuar, duke siguruar funksionimin e pandërprerë të të gjitha fazave të veprimtarisë (furnizim, magazinim, falsifikim, standardizim dhe trafikim) për përfitimin sa më të madh.
Në prangat e policisë greke ranë shqiptarët Sulo Tahaj, 26 vjeç dhe vëllai tij Genci Tahaj, 30 vjeç nga Fieri, Fatmir Caushaj 36 vjeç nga Tirana, Renson Marra, 24 vjeç nga Kuçova dhe shtetasja ukrainase Anastasiya Ivanichenko, 30 vjec, aktualisht e paraburgosur në Koridhalo.
Në kërkim u shpall Hekuran Gremi, 29 vjec nga Patosi si dhe po punohet për identifikimin e 16 personave të tjerë.
