Kryetari i Partisë Lëvizja e Legalitetit, Shpëtim Axhami në një analizë që i bën situatës së vendit në këto 33 vite postkomuniste, arrin në përfundimin se, pak gjëra kanë ndryshuar.
Zgjidhja, simbas ti, mbetet rikthimi i Monarkisë Kushtetuese.
Reagimi i plotë i tij:
Pas 33-vitesh, asgjë si duhej çdo gjë e rrëzikuar!
Dje dita e rrëzimit të bustit të doktatorit Hoxha, dita simbol e rrëzimit të diktaturës komuniste dhe e daljes prej izolimit vrastar nga më i egri në Europn Lindore që mbolli për rreth 50-vjet vetëm vuatje e varfëri.
Për 33-vite me gjithë arritjet e bëra si lëvizja e lirë, antarësimi në NATO, e drejta e fjalës së lirë dhe ajo e shkollimit, sot në të vërtetë zhgënjim, demokracia e rrezikuar, ekonomi e dobët, vendi po shpopullohet.
Rrëzimin e diktaturës, byroistët, sigurimi i shtetit e çdo falangë tjetër e rrëzikshme e regjimit diktatorial hoxhist, të bërë bllok, kurrë nuk mund e do e pranonin pavarsisht se ajo kishte ndodhur.
Mos dekomunistizimi e mos hapja e dosjeve duke mos dënuar krimet e komunizmit dhe ata që i shkaktuan ato bënë që metastazat e tij të mbeten prezent në parlament, qeveri, drejtesi e kudo.
Kapja e shtetit dhe e çdo institucioni kushtetues prej tyre përgjatë këtyre 33-viteve bënë që reformat dhe demokracia të mbeten të brishta e çdo ligjshmëri e miratuar të jetë e parapërcaktuar me interes.
Historia nuk u shkruajt si duhet, vazhdon indroktinimi në shkolla dhe me mjetet të tjera, ku formacionet politike të para vitit ‘44 qëllimisht u penguar në jetën e tyre programore politike pavarsisht pluralizmit.
Demokracia e zhvillimi i vendit do të ishin shumë më ndryshe nëse drejtimi i shtetit në formë e përmbatje do e kishin bazën dhe themelin nga aty dhe prej atyre të para vitit 1939 me një sistem Monarki Kushtetuese.
A duhet të tërhiqemi e të dorëzohemi përballë kësaj situate nga e cila vendi e ne rrezikohemi sot, KURRË JO DHE JO, gjendja aktuale sociale, politike dhe ekonomike duhet të na motivojnë e të na japin kurajo.
Të gjithë ata që duan që vendi të bëhet dhe të mos shpopullohet, inteligjenca, rinia, ato shtresa që deri dje vuajtën për liri e për një shtet demokratik duhet të reflektojnë e të bashkohen për ndryshime të shpejta.
Sot është momenti që të mposhtim frikën e të ngjallim shpresën të lëmë me një anë zhgënjimin e të rrisim besimin se vendi bëhet e atë do e bëjmë vetë ne shqiptarët, e djathta e vërtetë shqiptare.
Bashkohu edhe Ti, Bashkohu me Legalitetin!
