Komandanti i flotës ruse të Detit të Zi, Viktor Sokolov, është në mesin e më shumë se 30 të vdekurve pas sulmit të javës së kaluar në selinë detare në Krime, shkruajnë mediat.
Ukraina tani e deklaron zyrtarisht këtë.
Ka disa ditë që qarkullojnë informacione se një numër ushtarakësh të rangut të lartë rus kanë humbur jetën në sulmin me dron në Sevastopol në Krime të premten.
Tani, Ukraina deklaron zyrtarisht se komandanti më i lartë në zonë është në mesin e tyre.
“Komandanti i flotës ruse në Detin e Zi është në mesin e 34 të vdekurve në sulmin ajror në seli”, shkruajnë forcat speciale të Ukrainës në X (Twitter) dhe media të tjera sociale.
Sipas deklaratës, edhe selia është aq e shkatërruar sa është “përtej rindërtimit”.
Megjithatë, të gjitha raportet për sulme të tilla në luftë quhen shumë të pasigurta, pasi ato nuk mund të konfirmohen nga burime të pavarura
