Hulumtimet më të fundit zbulojnë se adoleshentët po bëjnë dashuri herët e më herët, por në shumicën e rasteve ata janë ende pak të informuar për kontracepsionin dhe nuk kanë edukim adekuat seksual. Flitet shumë për këta djem që luftojnë me përvojat e tyre të para.
Arsyet
Për rreth një shekull ka pasur një përparim të vazhdueshëm dhe progresiv në zhvillimin pubertet të djemve dhe veçanërisht të vajzave. Kjo çon në një avancim konsekuent të impulseve seksuale. Në njëzet vitet e fundit trendi është konfirmuar, nëse jo i theksuar, dhe stimujt dhe modelet e përcjella kryesisht nga mediat e fort seksualizuara janë rritur. Kësaj i shtohet edhe fakti se karakteristika e konsideruar më e rëndësishmja nga adoleshentët për t’u dukur më e rritur është pikërisht ajo e të pasurit një djalë ose një vajzë, me rrezikun për t’iu afruar seksit më shumë për nevojën për status sesa për të fituar vetëdijen e dëshirës për ta bërë atë.
Rreziqet
Një nga rreziqet më të mëdha është që të rinjtë të bëjnë seks pa u shqetësuar për pasojat ose, më keq, duke mos pasur informacionin e duhur për t’i parandaluar ato. Bashkëbiseduesit e adoleshentëve nga të cilët marrin informacion janë kryesisht moshatarët, miqtë dhe shokët e shkollës dhe pasoja e këtij edukimi seksual “moshatar” rëndohet nga supozimi i djemve për të ditur gjithçka që u nevojitet. Kjo rezulton në një qarkullim gjithnjë e në rritje të sëmundjeve seksualisht të për të cilat shumë prej tyre as nuk e dinë. Gjithashtu, “kontraceptivi” kryesor që përdorin të rinjtë është pilula e mëngjesit pas dhe ndërprerjet e shtatzënisë tek të miturit janë gjithnjë e më në rritje./ Psikologjia
