13 gjykata të shkallës së parë, 2 gjykata administrative dhe 1 gjykatë apeli për të gjithë Republikën.
Ky është drafti i Këshillit të Lartë Gjyqësor për hartën e re gjyqësore në vend, pas muajsh konsultimesh me grupet e interesit.
Vetëm një ndryshim ka nga propozimi i kaluar, bëhet fjalë për gjykatën e shkallës së parë në Sarandë që mungonte në propozimin e kaluar ishte hequr.
KLGJ ka miratuar draftin i cili tashmë pritet të kalojë për diskutim në Këshillin e Ministrave, Këshillin e Lartë të Prokurorisë, Prokurori e Përgjithshme dhe
Ministria e Financave
Drafti parasheh që gjithsej të jenë 13 gjykata të shkallës së parë, të cilat do të jenë në 12 qendrat e prefekturave aktuale plus Sarandën.
Juridiksioni i tyre shtrihet në kufijtë e prefekturave respektive, por ndryshon fakti që Saranda do mbuloi edhe bashkitë e Delvinës dhe Finiqit, pra Vlora do të mbetet vetëm me bashkitë Selenicë dhe Himarë, sikurse Durrësi do të ketë në zonën e tij Rrogozhinë dhe Kavajë, por jo Krujën, e cila i kalon Tiranës.
Gjykatë Apeli të juridiksionit të përgjithshëm nga gjashtë aktualisht, do të jetë vetëm një me qendër në Tiranë.
Gjykata apeli administrative nga gjashtë do të jenë vetëm dy në gjithë Republikën, njëra në Tiranë dhe tjetra në Lushnjë.
