📌Eksportet e fasonerisë marrin tatëpjetën në prill, rënia 21% nga ulja e porosive dhe rritja e kostove!
📌Qeveria e rilindjes asnjë ndërhyrje. Mijëra vende pune braktisen!
📌Fabrikat e prodhimit të veshjeve dhe këpucëve ose fasoneria, po përjetojnë krizë të thellë nga rënia e porosive nga jashtë dhe rritja e kostove nga tregu i brendshëm.
📌Sasia e eksporteve të fasonit në muajin prill shënoi rënie me 21%.
Tkurrja vijoi për të tretin muaj radhazi, për 4-mujorin eksportet në sasi të sektorit, shënojnë rënie me 9.5%.
📌Në janar-prill 2023 eksportet e fasonit arritën 18,885 tonë nga 20,861 tonë që ishin vitin e kaluar.
📌Dhe në vlerë në prill, eksportet e “Tekstile dhe këpucë”, shënuan një rënie të fortë prej 13.1%.
📌Situata do të përkeqësohet më tej në vijim pasi shumica e fabrikave presin ulje të porosive.
📌Faktorët që po ndikojnë negativisht janë rritja e pagës minimale mbi 30% brenda një viti, rritja e kostove të lëndëve të para, nënçmimi i euros me mbi 6% brenda vitit dhe mungesa e punonjësve.
📌Faktorët e jashtëm që po ndikojnë negativisht janë, rritja e stoqeve në magazinat europiane për sezonin e dimrit që vjen.
📌Rritja e stokut erdhi për dy arsye, e para moti i ngrohtë gjatë dimrit të kaluar frenoi shitjet e këpucëve dhe kriza e çmimeve të larta frenoi konsumin dhe porositë.
📌Nga lufta, veç çmimeve të larta janë rritur ndjeshëm kostot e prodhimit në Europë dhe tashmë shumë klientë europian po kërkojë të zhvendosin prodhimin në Uzbekistani, Indi dhe Afrikën Veriore!
📌Klima e biznesit është vështirësuar dukshëm këtë vit prej rritjes së pagës minimale dhe humbjeve që po krijon kursi i këmbimit.
📌Vitin e kaluar një euro kushtoi mesatarisht 118.4 lekë, sot 111 lekë. Paga minimale në nivelin 40 mijë lekë, nga 30 mijë që ishte në mars 2021.
