Lëvizjet e Bill Gates ngjallin kureshti përherë dhe hamendësime të shumta.
Këtë herë, mbërritja e tij në Athinë, ka tërhequr vëmendje të madhe në vendin fqinj. Protothema raporton se mbërritja e tij në Athinë, qëndrimi në suitën presidenciale të hotelit “Grand Bretane”, vizita e tij në Akropolin e Athinës mund të quhet “arratisje” në një destinacion top sekret në Greqi.
Një hipotezë për qëllimin e udhëtimit të tij në Greqi, është se Gates ka për synim për të blerë një pjesë të Petali, një kompleks ishujsh të pabanuar në Evia Jugore, pranë Karystos. Në fakt, thuhet se tashmë është përcaktuar çmimi që do të paguajë miliarderi amerikan dhe njeriu i 4-të më i pasur në botë. Gates do të bëhet pronari i ardhshëm i Petalia, duke derdhur 26 milionë euro.
I vetmi informacion i sigurt për udhëtimin e Gates në Greqi është se ai mbërriti me një fluturim privat të premten më 27 maj, u vendos përkohësisht në hotelin “Grand Bretagne” dhe të nesërmen pasdite vizitoi Akropolin.
