Shkruan Shpetim Zinxhiria nga Athina
Në vitet 1994 shteti shqiptar i mësonte vrasjet e shqiptarve në Greqi nga gazetat greke, përcjellë nëpërmjet ambasadës sonë nga Athina.
Askush nuk e llogariste dhe respekonte për të njoftuar për raste të tilla.
A do të zgjohet shteti shqiptar për të zbardhur vrasjet e tilla dhe të mos i lërë familjet e viktimave të sorrollaten andej e këndej?
Ende mungon vemendja e shtetit ne te tilla raste te cilat nuk parashkruhen.
Ngjarja:
16 djem adoleshentë nisen nga fshati Bubullimë/Lushnje për në Greqi, së bashku me ta dhe Alfred Muço 21 vjeç, të gjithë nga i njëjti fshat.
Më 23/03/1994 në mbrëmje në fshatin Krisopogis të Kosturit janë ndaluar nga ushtria greke dhe pasi janë grumbulluar të gjithë shqiptarët për ti hipur në makina, në të njëtën kohë duke hipur në makinë shkrehet një armë dhe plagoset për vdekje Alfredi. Menjëherë ai dërgohet në spitalin e qytetit të Kosturit, ku më pas konfirmohet nga mjekët dhe vdekja e tij.
Ambasada Shqiptare e lexon ngjarjen në gazetën Kathimerini :
Lidhur me këtë ngjarje Ambasada e Shqipërisë në Greqi me datën 23.03/1994 me nr. Prot. 1061 i dërgon një letër urgjente Ministrisë së Jashtme të Shqipërisë :
Ju informojmë se në gazetën “Kathimerini” të datës së sotme 23.03/1994 shkruhet: Një ushtar grekë ka vrarë me pushkë emigrantin shqiptar Fredi Muço në kufi.
Ngjarja ndodhi ditën e hënë në mbrëmje në fshatin Krisopogisë të Kosturit nga pushka e ushtarit Pane Joani i cili kishte grumbulluar dhe shoqëronte 16 shqiptarë me rezultat të plagosur për vdekje shtetasin shqiptar. Ai vdiq në spitalin e Kosturit ndërsa për ushtarin po bëhen hetime.
Lutemi merrni masa për identifikimin e plotë të personit, për lajmërimin e familjes dhe për tërheqjen e trupit të të ndjerit sa më shpejt.
Pas dy ditësh, trupi pa jetë ka ardhur në Shqipëri i shoqëruar edhe nga tre bashkëatdhetarë që ishin present në ngjarje. Në Kapshticë trupi i pa jetë është shoqeruar me police për në morgun e Korçës, ku janë kryer të gjitha proçedurat.
Autopsia:
Me kërkesë të familjes drejtuar Mjekësisë Ligjore rezulton se me nr 6 të 25/03/1994, autopsia është kryer nga Dr. Eriko Trebicka me diagnose të vdekjes plagë penetrante. Rupturë në zemër. Pra bëhet fjalë për plagë të marrë në zemër.
Familja :
Edhe kjo ngjarrje ka kaluar në heshtje nga shteti shqiptar, duke e lënë në duart e familjes së viktimës edhe pse kishte të bënte me një vrasje direkte.
Që nga ajo kohë familja nuk ka reshtur për të zbardhur këtë vrasje…me shpresë për t’u në Gjykatën Evropiane për të Drejtat e Njeriut të Strasburgut. Alfredi është një nga 44 viktima te rojeve kufitare të Greqisë.
Le të qendrojmë tek fakti se, sa kushton nga policia greke jeta e një emigranti?
Shumë vdekje, shumë padi dhe asnjë drejtësi.
Vdekje në Greqi që vijnë nga “shpërthimet aksidentale”, “rrethanat e pashpjegueshme”, “shkaqet patologjike”, “vetëvrasjet e pashpjegueshme” etj.
Në këto vrasje nuk përfshihen të vrarët nga shkëmbimi i zjarrit me policinë, edhe pse në shumë raste “mbrojtja e ligjshme” nuk ishte gjë tjetër veçse ekzekutim i gjakftohtë, ku përfshihen vetëm vrasje të drejtpërdrejta…
