Shkurt…pak histori.
8 Dhjetori 1990, ma saktë 2 orët e fundit të asaj dite, një “grusht” studentësh dalin në revoltë dhe bajnë një takim në mesnatë me Ramiz Alinë.
Një dërgatë shkon… dhe dërgata masakrohet nga policia e sigurimi fill pas takimit.
9 Dhjetor 1990, studentët nuk janë ma një grusht në rrugët e Qytetit Studenti, por me mijëra që marshojnë drejt Sheshit Skënderbej dhe dhuna shtazarake e Shtetit i detyron të kthehen prapë në Qytet Studenti.
Studentët e rimbledhur në orët e vona të pasdites vendosin, jo vetëm bojkotimin e mësimit por pranojnë në krye të tyne Azem Hajdarin me kërkesën e tij.
10 Dhjetor 1990 studentët abandonojnë auditoret dhe tubohen në Qytet Studenti, ku bashkë me qytetarët e Tiranës bahen dhjetra mijë.
11 Dhjetori 1990, tashma në sheshet,rrugët e lulishtet e Qytetit Studenti nuk ke ku të hedhësh në tokë as kokrrën e mollës mes njerëzve dhe në këto rrethana Ramiz Alia detyrohet të pranojë takim me Dërgatën tjetër Universitare, që kthehet mes qindra mijë njerëzve me “ngarkesën” e shumëpritun; Pluralizëm Politik të shpallun.
Kaq… shkurt për 4 Ditë të Mëdha të Dhjetorit 1990 e Gëzuar Datën 8 Dhjetor 90, Ditën e festën e Lirisë për mua.
