Ka qenë përfaqësuesi special i BE për dialogun Beograd-Prishtinë Miroslav Lajçak, që është takuar sot me presidentin serb Aleksandër Vuçiç.
Ky takim u realizua pas deklaratës së Vuçiç se nuk do të marrë pjesë në samitin BE-Ballkani Perëndimor që do të mbahet (nesër) më 6 dhjetor në Shqipëri për shkak të reagimit të butë të BE ndaj emërimit të Nenad Rashiqit si ministër për Komunitete dhe Kthim në Qeverinë e Kosovës.
Pas takimit me Lajçak, Vuçiç deklaroi para gazetarëve se do të udhëtojë drejt Tiranës vetëm për faktin se do të ishte një humbje e madhe për vendin nëse nuk shkon.
“Nuk është çështje kotësie, thjesht duhet të kuptosh që për dhjetë vjet jam përpjekur çdo ditë të mos shpreh asgjë ose sa më pak personale, të kujdesem gjithmonë për gjithçka dhe më pas ndonjëherë emocionet e mia më pushtojnë, kur nuk di si të reagosh dhe çfarë të bësh”, tha presidenti.
