Një grup deputetësh të Partisë Demokratike me në krye Enkelejd Alibeaj kanë zhvilluar sot takime në Parlamentin Europian.
Në fjalën e tij Alibeaj, ngriti shqetësimin e trajtuar edhe në progres raportin e fundit të Komisionit Europian për vitin 2022.
Më konkretisht ai theksoi mosadresimin e një sërë rekomandimeve të ngritura në rekomandimet e raportit të OSBE-ODIHR për zgjedhjet parlamentare të vitit 2021, ku ndër më kryesoret keqpërdorimi i aseteve dhe burimeve shtetërore nga qeveria gjatë fushatës zgjedhore.
Gjithashtu rrjedhja e të dhënave të 900 mijë qytetarëve shqiptarë me informacione sensitive, duke përfshirë dhe preferencën zgjedhore, përbëjnë një ndër rastet më flagrante të cënimit të sigurisë së votës së lirë, fakt që edhe progres raporti i KE e ka ngritur si një çështjet tepër shqetësuese.
Çështje kjo ende e paadresuar në mënyrë përfundimtare nga institucionet kompetente gjyqësore.
