Qytetari Mit’hat Hazbiu u shoqërua dje në polici pas një debati me Ramën.
Ai është intervistuar nga Faxnews dhe ka treguar se pati një debat me kryeministrin në lidhje me përmbytjet në Durrës.
Qytetari këmbënguli se Rama nisi ta cënonte dhe më pas thirri Gardën.
Hazbiu, në rrëfimin e tij tha se u shoqërua në polici ku iu nënshtrua një kontrolli të rreptë.
“Ishte një takim te lagja me kryeministrin. Pata debat mora fjalën dhe i thashë kjo që keni bërë këtu në Erzen nuk është e nevojshme, ju na keni mbytur 3-4 here iu kemi thirrur dhe keni ardhur. Nuk na keni likujduar. Kryeministrit nuk i erdhi mire, duke më bullizuar, tentoi edhe me duar vetë kryeministri, i ka filmimet vetë kryeminstri, se nuk ishin tv e tjera, përderisa nuk ka transparencë në media, kryeministri pastaj urdhëroi gardën dhe më izoluan dhe kërcënoi se do më fuste në burg. Ishte përplasje e dhunshme, kryeministri kërkoi të përplasej me mua.
Më mori policia e Durrësit, cdo gjë kaloi në një kontroll të rreptë, i kontrolluar në cdo drejtim. Më morën celularin, më futën në dhomat e izolimit, më morën në pyetje. Policia nuk duhet të bie pre e shantazhit, ai erdhi vetë për debat, nuk e kërkuam ne. Më cuan në spital se pata probleme me tensionin, mediat bën punën e vet. Nuk kanë me ca të më kërcënojnë. Ai i ka me diplomat fallco të gjithë. Kryeministri po bëhet i dëmshëm”- u shpreh Hazbiu.
