Vetëprezantimi i saj:
Të nderuar qytetarë, anëtarë dhe simpatizantë të Partisë Demokratike
Unë Nazlie Laçi, prezantoj kandidaturën time në Primare, për Bashkinë Has
Falë primareve në Partinë Demokratike, sot secili nga anëtarët dhe simpatizantët mund të shprehë lirisht vullnetin për të zgjedhur kandidatin që mendon që do ta perfaqësojë më mirë si Drejtues i Bashkisë nesër.
Kandidoj për herë të parë pas 20-vitesh kontribute në Partinë Demokratike, si Anëtare Kryesie, Sekretare e Degës, Anëtare e Këshillit Bashkiak, Kryetare e Grupit të Punës për Riorganizimin e Degës dhe sot si Anëtare e Këshillit Kombëtar të PD.
Si fillim dua te shpreh mirënjohje dhe respekt për anëtarët e Partisë Demokratike ndër vite dhe veçanërisht për qëndrestarët dhe aktivistët, për kontributin e tyre në Rithemelimin e Degës PD-Has.
Ndihem e nderuar dhe krenare që në ditët e veshtira që kaloi Partia Demokratike, hodha hapin si Drejtuese e Grupit të Punës për Riorganizimin e Degës Has në momentet më delicate, duke ju gjendur afër demokratëve, afër qëndrestarëve, këtyre njerezve të besës e të punës.
Në sajë të këtij bashkëpunimi të ngushtë arritëm që ta bashkojmë, forcojmë dhe rritim Partinë Demokratike në Has dhe sot është një Degë me Struktura të konsoliduara.
Sot kërkoj për herë të parë votën tuaj, besimin tuaj, e kërkoj me krenari për kontributin dhe besnikërinë që më ka shoqëruar gjatë gjithë këtyre viteve.
Sot ndihem shumë e shqetësuar për ditët që kalon populli hasjan, gjendja e vështirë e kësaj zone, e këtyre njerëzve shumë bujarë dhe shumë punëtorë që kanë larë botën me djersën e tyre në kërkim të një të ardhme më të mirë.
E dhimbshme te flas ne kete situate dhe të di qe me degjojne njerez me shpresen e varur te emigrimi, familjare qe bijte i kane nisur rrugeve te botes. Kjo qeveri shuajti shpresen për një të ardhme dinjitoze në këtë vend.
Të nderuar anëtarë dhe simpatizantë, ju bëj thirrje që të bashkohemi dhe të bëhemi vet Zot i fateve tona, duke ju garantuar se me mbështetjen tuaj do jem shumë e vendosur dhe e angazhuar për t’i shërbyer me përkushtim Hasit dhe Hasjanëve dhe të rikthejmë fitoren e munguar prej shume vitesh.
Faleminderit!
