Mbas raportit zyrtar se lindshmëria në Shqipëri ka rënë me afro 20% vitet e fundit, ka reaguar ish kryeministri Sali Berisha.
Shpopullimi i Shqipërisë është plaga më e madhe e kombit. Shkaqe themelore te saj janë falsiteti i zgjedhjeve, vjedhja dhe për rrjedhojë varfërimi i shqiptarëve. Nga njëra anë shqiptarët ikin për mos t’u kthyer kurrë. Të rinjtë ikin me studime dhe për punë, shkruan ai në rrjetet sociale.
Ja postimi i plotë:
Rënie dramatike e lindjeve në Shqipëri. Lindshmëria në Shqipëri pëson tkurrje me pothuajse 20%, qeveria ka shtuar pasigurinë në vend.
Te dashur miq, shpopullimi i Shqipërisë është plaga më e madhe e kombit. Shkaqe themelore te saj janë falsiteti i zgjedhjeve, vjedhja dhe për rrjedhojë varfërimi i shqiptarëve. Nga njëra anë shqiptarët ikin për mos t’u kthyer kurrë. Të rinjtë ikin me studime dhe për punë menjëherë sapo u krijohet mundësia, dhe as që e mendojnë të kthehen pas. Nga ana tjetër, numri i lindjeve bie vit pas viti, duke tkurrur gjithnjë dhe më shumë të ardhmen.
Qeveria Rama ka bërë të mundur mjerimin e Shqipërisë duke vjedhur dhe varfëruar çdo familje. Si mundet një familje e re të mendojë se Shqipëria i mundëson një të ardhme të sigurtë fëmijëve të tyre?
Ndërkohë që në këtë vend, si pasojë e qeverisë Rama, krimi i organizuar është fuqizuar, korrupsioni, vjedhja, nepotizmi, abuzimet janë në nivelet më të larta dhe vrasja e shpresës ka shkelur mbi ëndrrat e çdo familje shqiptare, duke ulur lindshmërinë me 19.6% për shkak të pasigurisë që familjet kanë për vazhdimësinë e jetës së dinjitetshme në Shqipërinë e Edvin Hajdutit. #sb
