Vdekje të çuditshme dhe të pazbardhura plotësisht kanë ndodhur në radhët e ushtarakëve të lartë rus që kur nisi sulmi mbi Ukrainë.
Janë disa raste dhe më i afërti ka ndodhur sot, ku një vdekje misterioze i shtohet kronologjisë së errët të luftës në Ukrainë.
Bëhet fjalë për 44-vjeçarin, kolonel Vadim Bojko i cili është gjetur i vdekur nga plagët e marra me armë zjarri.
Koloneli ishte i përfshirë në operacionin e rekrutimit në shkallë të gjerë në Rusi.
Ai ishte një zyrtar i lartë në Shkollën e Lartë Detare Makarov në Vladivostok.
Sipas raportimeve, koloneli ka shkuar në punë, ka hyrë në zyrën e tij, por më pas janë dëgjuar pesë të shtëna,
Një oficer që dëgjoi të shtënat me armë, nxitoi në vendngjarje kur gjeti trupin e Bojkos.
Asnjë shënim nuk u gjet në zyrën e kolonelit, por Kremlini pretendon se ai u qëllua pesë herë në gjoks .
Informacionet thonë se pranë burrit janë gjetur pesë plumba, megjithatë, mbetet mister sesi koloneli qëlloi pesë herë veten.
