Kryetari i PD, Sali Berisha u shpreh gjatë konferencës për shtyp se, protestuesit u dërguan kancelarive të Europës dhe botës, se krahas një narkoshteti të instaluar në Shqipëri.
“Por njëkohësisht, protestuesit u dërguan kancelarive të Europës dhe botës, se krahas një narkoshteti të instaluar në Shqipëri, krahas një monizmi që bazohet në vjedhjen e votës nëpërmjet krimit, drogës dhe mashtrimit, ekziston një popull i tërë i ngritur në këmbë, për ta hedhur në Lanë, për të përmbytur këtë regjim”, tha Berisha.
Berisha ka paralajmëruar se shumë shpejt do të dalin në dritë dokumente false, ndërsa tha se pas kësaj afere fshihen Edi Rama dhe Lulzim Basha.
“Në vitet 90 u ngritëm me moton “vdekje komunizmit” dhe e përmbysëm sistemin, sot është koha dhe një herë të përsërisim “vdekje, vdekje monizmit” të bazuar kësaj here në drogën, vjedhjen, krimin… ky monizëm duhet të arkivohet një minutë e më parë. Ky monizëm e ka bërë kombin më të varfër. Ky monizëm nuk ka të ndalur aferat e tmerrshme të Edi Ramës.
Ka vjedhur 420 mln euro me firmën e tij për ndërmarrjen e tij të djegësve, dhe mbyll djegësin e Elbasanit me SKAPIN e tij, vërsulet i tërbuar për të vjedhur 1 milion metër katrorë tokë, me një sipërmarrje, shumë shpejt do njiheni me dokumente false, 60% të aksionerëve janë thjeshtë Edi Rama Lulzim Brava, dhe mafiozë rreth tyre, ndaj dhe emrat nuk thuhen dhe po organizojnë vjedhjen më të tmerrshme që Durrësi ka njohur. Por ne do i dalim zot vendit, tha ai.
