Deputeti Belind Këlliçi dhe njëkohësisht kandidat në primaret e PD-së për bashkinë Tiranë, mbas protestës së të shtunës, ka reaguar me një status në rrjete sociale.
Një përshëndetje i dërgojmë të fortëve pas tastierave, mendimtarëve të kafeneve dhe parazitëve të qeverisë!
Këta në shesh janë njerëz të lirë, shkruan ai në “Facebook”.
Kujtojmë se një ditë më parë, deputetët Këlliçi dhe Tomorr Alizoti, kanë bërë një thirrje për pjesëmarrje sa më të madhe në protestën popullore.
Postimi i tij:
Një përshëndetje i dërgojmë të fortëve pas tastierave, mendimtarëve të kafeneve dhe parazitëve të qeverisë!
Këta në shesh janë njerëz të lirë. Halli i nxjerr aty.
Dalin pensionistët kundër shpopullimit të vendit, që punuan një jetë për ta ndërtuar. Dalin prindërit që kanë fëmijët larg syve. Dalin të rinjtë që nuk duan të largohen. Dalin se nuk i shfaqin kamerat e mediave të tua.
Në shesh sot doli Shqipëria tjetër, Shqipëria e vërtetë, e fshehur nga propaganda, e vjedhur nga qeveria, e tallur nga media.
Faleminderit çdokujt që ishte aty, që la impenjimet mënjanë për të protestuar!
Faleminderit Tirana ♥️
Kryeqyteti në ballë të protestës.
