Gerti Bogdani, një nga emrat që do të garojnë në “Primaret” e demokratëve për t’u shpallur kandidatë për kreun e bashkisë Tiranë në zgjedhjet e 14 majit 2023, ka marrë pjesë në një takim me familjet e vjetra dibrane të kryeqytetit.
Pikërisht për mbresat nga ky takim, Bogdani ka përcjellë shënimin e mëposhtëm në rrjetet sociale:
I frymëzuar dhe mirënjohës për bisedën dhe kohën e shpenzuar me familjet e vjetra dibrane në Tiranë dhe personalitete të spikatur në Art dhe Kulture, Shkencë, Publicistike dhe Sporte. Historia e komunitetit dibran në Tiranë përfaqeson një trashëgimi të çmuar të Kryeqytetit dhe përcjell vlera qytetare të cilat meritojnë të jenë model!
Tironsit dhe Dibranët kanë bashkëjetuar dhe kontribuar kaq shumë e me dashuri për Tiranën dhe janë dhe sot një zelë i fortë për ta mbrojtur dhe për ta dashur qytetin tonë! Mirënjohës për bisedën e sinqertë, për kohën e shpenzuar dhe për librat me vlera që mora dhuratë nga ky takim! Së bashku do vazhdojmë krah për krah të punojmë që Tirana t’u kthehet atyre që e duan!
#dinjitet #mireqenie #perspektive #tiranameritonmeshume
