Aesculus hippocastanum, gështenja e egër, është një specie e bimës lulëzuese në familjen e manaferrave dhe liçave.
Gështenja e egër është një nga ilaçet më të mira nga natyra që përdoret për venat që dhembin, te tromboza, ënjtjen e testikujve dhe prostatën te meshkujt, borsitet, siatikun, madje edhe tek morthi.
Ajo çka e bën gështenjën e egër efektive në shërimin e dobësive të venave dhe kapilarëve të gjymtyrëve të poshtme është përbërësi saponin escini triterpenik.
Është interesante të dini se lëngu i saj, apo përzierja e brumit të fortë me vaj ulliri, alkool ose raki dhe lënia e saj për disa kohë, mund të përdoret për të lyer kyçet, gjymtyrët, apo vendet e enjtura.
Ajo çfarë i bën shumë të heqin dorë është koha e nevojshme që gështenja e egër të fillojë të japë rezultate.
Kjo mund të zgjasë me muaj. Prandaj është e nevojshme që kremrat dhe yndyrat e gështenjës së egër (të cilat mund t’i gjeni në shumë barnatore dhe supermarkete) të filloni t’i përdorni me kohë. Ia vlen, sepse kjo bimë ndihmon me të vërtetë.
Nëse nuk keni xhelin me ekstraktin e gështenjës së egër për shërimin e venave të zgjeruara, mund të provoni ta përgatitni në shtëpi.
Zieni shkurtimisht pesë fruta të grimcuara të gështenjës së egër në një litër ujë derisa të mos fillojë të dalë shkuma. Largojeni nga zjarri dhe pritni të ftohet. Me atë lëng lyeni vendet e dhimbshme.
Ekspertët pohojnë që nuk duhet të keni frikë as nga shpërbërja e trombëve dhe pjesëve përreth tyre në sistemin e gjakut gjatë kësaj terapie. Por, kontrolli dhe këshillat e mjekëve janë të rekomandueshme. Filloni të kujdeseni me kohë për shëndetin tuaj.
