Gjashtë persona mbetën të lënduar nga një zjarr që shpërtheu në një fabrikë kimike në San Giuliano Milanese pranë Milanos këtë të mërkurë.
Sipas mediave italiane, të lënduarit janë të gjithë punonjës të fabrikës.
Bëhet me dije se, katër prej tyre kanë vështirësi në frymëmarrje për shkak të tymit, ndërsa dy të tjerë kanë pësuar djegie. Njëri prej tyre personave që ka pësuar djegie raportohet se është në gjendje të rëndë.
Mësohet se fillimisht, zjarri shpërtheu në fabrikën Tomolpack dhe më pas u përhap në fabrikat e tjera afër saj, përfshirë fabrikën Nitrolchimica.
Fabrika Nitrolchimica merrej me asgjësimin e mbetjeve të rrezikshme.
Një zjarr i madh ka rënë mëngjesin e së mërkurës në San Giuliano Milanese. Kolona e tymit ishte e dukshme nga të paktën dhjetë kilometra larg. Flakët përfshiu të gjithë fabrikën nga kompania Nitrolchimica, në via Monferrato, një kompani që merret me rikuperimin e tretësve dhe asgjësimin e mbetjeve të rrezikshme. Për të shuar flakët mbërritën zjarrfikëset me mjete me shkumë.
