Një doganier i pikës së kalimit kufitar Qafë Prush, në Has, ka rënë në pranga për shpërdorim detyre.
Ai u kap duke transportuar me një “Volkswagen” mallra të ndryshëm, të cilët i kishte kaluar nga Kosova në Shqipëri.
I arrestuari është Sh. J., 56 vjeç, banues në Krumë.
Njoftimi:
Arrestohet në flagrancë doganieri i PKK Qafë Prush, për veprën penale “Shpërdorimi i detyrës”. Specialistët për Hetimin e Krimit Ekonomik dhe Financiar të Drejtorisë Vendore të Policisë Kukës, në vijim të punës për goditjen e paligjshmërisë, kanë goditur një rast të kontrabandës me mallra. Si rezultat u arrestua në flagrancë shtetasi Sh. J., 56 vjeç, banues në Krumë, pasi është kapur në flagrancë, në aksin rrugor Qafë Prush-Krumë, duke transportuar me një automjet tip “Volkswagen”, mallra të ndryshëm, të cilët i kishte kaluar nga Kosova në Shqipëri, duke shmangur detyrimet doganore.
Në vijim të veprimeve u arrestua në flagrancë edhe shtetasi B. A., 41 vjeç, banues në Krumë, me detyrë doganier pranë PKK Qafë Prush, për veprën penale “Shpërdorimi i detyrës”, pasi dyshohet se ka shpërdoruar detyrën duke mos kryer veprimet doganore ndaj mjetit tip “Volkswagen” me drejtues shtetasin Sh. J., i cili transportonte mallrat nga Kosova drejt Shqipërisë. Në cilësinë e provës materiale u sekuestrua automjeti dhe mallrat. Materialet i kaluan Prokurorisë pranë Gjykatës së Shkallës së Parë Kukës, për veprime të mëtejshme”, sipas policisë.
