Presidenti rus Vladimir Putin ka dënuar sanksionet perëndimore të vendosura për shkak të luftës së Rusisë në Ukrainë, duke i etiketuar sanksionet si “ethe” që përbëjnë një kërcënim serioz për të gjithë botën.
Në fjalën e tij gjatë fjalimit të sotëm të hapjes në Forumin Ekonomik Lindor në Vladivostok, Putin përmendi shifra që nuk pasqyrojnë me saktësi të dhënat aktuale të OKB-së mbi dërgesat e grurit.
“Vetëm 3% e drithit që eksportohet nga Ukraina shkon në vendet në zhvillim, shumica shkon në Evropë… gjatë dekadave të fundit vendet evropiane kanë vepruar si fuqi koloniale, ata po vazhdojnë të veprojnë kështu sot”, tha Putin.
“Edhe një herë, ata kanë mashtruar vendet në zhvillim,” shtoi ai.
Për muaj të tërë portet detare të Ukrainës u bllokuan nga forcat ruse, por kur eksportet rifilluan në fillim të gushtit, lideri rus pohoi se vetëm dy anije me grurë kishin shkuar në Afrikë, gjë që nuk është realisht kështu siç pretendon Putin.
Ai tha se donte të diskutonte rishikimin e marrëveshjes, në vërejtjet e refuzuara nga Ukraina, si të pabaza.
Rusia nisi pushtimin e Ukrainës në 24 shkurt dhe gjashtë muaj më vonë forcat ruse janë larguar nga zonat përreth Kievit dhe veriut dhe tashmë po përballet me një kundërofensivë ukrainase në jug dhe lindje.
