Skeleti i një dinosauri 25 metra të gjatë është gjetur në oborrin e një shtëpie në Pombal të Portugalisë, raporton CBS.Skeleti duket se i përket një lloji dinosaur që quhet sauropod që është me katër këmbë që ha bimë, dhe karakterizohet nga qafa dhe bishti i gjatë.
Gërmimi filloi kur pronari i tokës vuri re për herë të parë fragmente eshtrash në pronën e tij në vitin 2017 gjatë punimeve të ndërtimit.
Studiuesit thonë se javët e fundit ata kanë zbuluar rruazat dhe brinjët e një sauropodi të mundshëm, që do të kishte qenë rreth 39ft (12m) i lart dhe rreth 25 m i gjatë.
Grupi Brachiosauridae përbëhet nga specie të mëdha që kanë jetuar nga periudha rreth 160 deri në 100 milionë vjet më parë.
“Nuk është e zakonshme të gjesh të gjitha brinjët e një kafshe si kjo, e lëre më në këtë pozicion, duke ruajtur pozicionin e tyre origjinal anatomik,” tha Elisabete Malafaia, një studiuese postdoktorale në Universitetin e Lisbonës.
