Një grup qytetarësh njoftojnë në redaksinë tonë, se impianti i ujërave të zeza, në një nga komplekset e Shkëmbit të Kavajës, është i bllokuar prej kohësh.
Në kulmin e sezonit, shprehen ata, vjen një makinë dhe zhbllokon kanalizimet, por më e keqe është fakti se mbeturinat i nxjerrin e i lënë mbi sipërfaqe të hapura publike.
Ne si zonë, vazhdojnë ata, jemi nën juridiksionin e bashkisë Durrës, por nga pushteti vendor edhe pse janë njoftuar disa herë, nuk është marrë asnjë masë veç makinës në foto.
Ja mesazhi i plotë i tyre:
Jemi disa banorë të zonës së “Shkëmbit të Kavajës”.
Në 2004 kemi blerë apartament këtu, nuk kishte ujë dhe as kanalizime.
Gjatë qeverisjes 2005 – 2009 u vendosën tubacionet e ujit të pijshëm dhe të ujrave të zeza.
Në një nga puset kryesore, që duket në foto, kishte pompë shtytëse dhe gjenerator që kjo të punonte dhe në mungesë të energjisë elektrike.
U ndërtua dhe impiant për pastrim të ujrave të zeza, me qëllim që kur të derdheshin në det në një vend të caktuar, të ishin rreth 90% të pastra.
Gjatë gjithë qeverisjes së PS, qendrore dhe lokale( tani quhemi pjese e bashkisë Durrës), nuk u bë asnjë mirmbajtje e sistemit. Për impiantin na kanë thënë që është i mbyllur.
Pompa nuk punon dhe gjeneratori është zhdukur.
Këto fakte i shikojmë vetë sepse kemi banesat tona.
Mqs ujrat e zeza nuk lëvizin vetë për efekt të terrenit horizontal, çdo ditë vjen kjo makina që nxjerr në mes të ditës, pisllëqe nga puseta dhe i lë aty.”
