Janë 34 vatra zjarri për 24 orë, nga të cilat 9 ende aktive, shkruan Sali Berisha në rrjetet sociale.
Qeveria e babëzisë e ka mendjen për të vjedhur dhe kurrë se krijuan mundësinë për të blerë zjarrfikëse dhe helikopter për raste emergjencash.
Mbi 30 vatra zjarri brenda 24 orëve, qeveria ende me pushime!
Prej tre muajsh kam publikuar me qindra raste zjarresh, nëpërmjet mesazheve e pamjeve të ndryshme të dërguara nga qytetarët e shqetësuar. Sipas të dhënave nga Qendra Kombëtare Operacionale e Emergjencave Civile në AKMC, gjatë 24 orëve të fundit janë raportuar 34 vatra zjarri, me 9 prej tyre që mbeten ende aktive.
Kjo situatë vjen si pasojë e indiferencës së plotë të kësaj qeverie për të garantuar sigurinë e qytetarëve dhe vendit. Babëzia e tyre për të vjedhur i ka verbuar ndaj çdo situate problematike që rrezikon drejtpërdrejt jetën e shqiptarëve, madje janë aq të pacipë sa i ekspozojnë edhe më shumë ndaj rreziqeve, duke i lënë pa zjarrfikëse e pa helikopterë. Një pjesë e mirë e këtyre zjarreve janë shuar nga banorët guximtarë të zonave përreth, me mjete rrethanore, dhe pa ndihmën e shtetit të cilët unë i përgëzoj.
Po me çfarë po merren këta njerëz?! Cfarë gjërash më të rëndësishme kanë për të bërë saqë nuk i shqetëson kjo situatë alarmante?! Edi Rama bashkë me ministrat e tij janë ende me pushime, qejfet e tyre kjo është gjëja më e rëndësishme për ta. Të shpenzojnë paratë e vjedhura nga familjet që po u digjet shtëpia, në pushime luksoze dhe ahengje. #sb
