At Gjergj Fishtës
Atij s’i lypset varri,
se s’ka varrë që e nxë!
Atij s’i lypset shtëpia,
sepse ka Atdhe!
Atij s’i lypsen eshtrat,
Ato janë ndër Ne!
☆ ☆ ☆ ☆
Maja Kadare
Si mal i Tomorrit, me kryet mbi re,
lis i madh me dega, maja Kadare…!
Ç’dhimbje të gatoi, ç’dashuri të mbolli,
ç’hyjni të lindi dhe në dritë të nxori…!?
Maja – Kadare, mal i madh ndër ne…!
☆ ☆ ☆ ☆
Mirësinë e kemi borxh
Nëse Zoti paskej “zbritur” mbi fytyrën tënde,
o nga “përtesa” ndonjë engjëll pat dërguar…!
Mësoni nuk është meritë bukuria,
as faj nuk është të jesh i shëmtuar!
Por, Zoti nëpër zemra paskej zbritur,
në mirësi i pat mbuluar… !
Ndaj është faj të jesh i lig,
qoftë në ligësi të jesh duke notuar!
Mirësinë e kemi borxh…
Zoti na ka dhënë shpirtin sejcili si i tillë
është dhuratë e bekuar!
