Ministre Balluku, në çdo dalje televizive që bënë, shtyn afatin e punimeve të rrugës së Arbërit, “rrugë e lënë rrugëve” prej shumë vitesh nga Rilindja!
Balluku tha sot se tuneli i murrizit i rrugës së Arbërit do të mbyllet pas 17 muajve!!!
Absurditet, kush është arsyeja që shtyhet afati për të disatën herë, kur ajo duhej të mbaronte në Mars të vitit 2021 dhe kur ka mbi 9 muaj që nuk ka asnjë makineri në gjithë gjatësinë e rrugës dhe as tek tuneli i murrizit (kompania iku dhe mbaroi tunelin në Kardhiq e tani është në përfundim të tunelit të llogarasë, nuk gjendet asnjë justifikim, asnjë arsye, vetëm tallje me qarkun Dibër, me qytetarët Dibranë, Matjanë dhe Bulqizak, kjo është një hakmarrje politike por dhe krahinore e qeverisë rilindase ndaj banorëve të qarkut më të varfër në Shqipëri!
“Rruga e Arbrit u inagurua për të disatën herë, e fundit më 29 nëntor të vitit 2021, në fakt asnjë metër linear nuk ka mbaruar me të gjitha shtresat asfaltike, apo sipas standartit, me akse pa shtresa zhavorrimi e pa asfalt, me segmente që kanë ceduar apo rrëshkitur, me aksin Bulqizë – tuneli i qafës Buallit deri Ura e Vashës që duhej mbyllur në 2014 (madje firma në faqen e saj deklaron asfaltimin e saj) dhe vazhdon BAYPAS i “vdekjes” që përkeqësohet çdo ditë e më tepër për qytetarët Dibranë!.
Balluku sot deklaroj:
“Si tuneli kryesor, si ai ndihmës vijon me ritme të avashta por konstante por besojmë se brenda 17 muajve do të dorëzohet dhe tuneli i Murrizit”.
Aanjë arsye nuk ka pse të shtyhet afati?!
Rama theksonte në 2017!
“Me paratë e buxhetit për të bërë ‘Rrugën e Arbrit’ ne do të na duheshin jo 3 vite, por 13 vite. Atëherë çfarë bëjmë ne? I themi, kush vjen ta bëjë ‘Rrugën e Arbrit’ për 3 vite dhe mbas tre viteve ‘Rruga e Arbrit’ është rruga e qytetarëve, pasi aty do kalojnë njerëzit dhe nuk do ta mbajë privati. Ne do ta shlyejmë privatin për 13 vite. Ky është PPP, unë nuk kam lekët, ti ke lekët dhe hajde t’i investosh duke bërë një marrëveshje. Këto projekte do t’i kushtojnë buxhetit më pak, sesa projektet me tendera”.
Kjo është fjala e Kryeministrit Ed Rama në inagurimin e Rrugës së Arbrit në prani të Ministrit Gjiknuri dhe Kompanisë Gjoka Konstruksion, në vitin 2017.
Termat e kontratës.
-Afati 3 vite deri mars 2021.
-Pagesat për 13 vite pra 3 vite punimet plus 10 vite mirmbajtje.
-Vlera e parashikuar e projektit është:
336 milionë euro.
-Në distancën më të shkurtër Tiranë Bulqizë Bllatë Maqellarë.
Në zgjedhjet e vitit 2021 do bëhej për 40 minuta Tiranë – Peshkopi, theksonte KM, por në fakt sot kemi vetëm Baypasin e vrasjes e shkatërrimit të makinave.
Ed Rama dhe Kompania premtuan se do ta mbaronin rrugën para kohe një muaj para afatit (mars 2021).
Ta dimë për nder ta përfundosh në kohë thonin shumica e Dibranëve, atëherë…
Dhe, ja ku jemi sot, në gusht të vitit 2022, në vend që rruga të mbaronte 18 muaj më parë, sot Balluku bënë shtyrjen e radhës me plus 17 muaj?!
Theksoj rruga e kombit me dy tunele, me 4 korsi, mbaroi për 24 muaj, rruga e arbërit vetëm shtyrje afati ka 35 muaj?!
Pse zonja Balluku:
-Pse nuk përfundojnë akset Maqellarë Bllatë me ndriçim e gjelbrim 12 ml e gjërë sipas projektit, (është vetëm 9 ml)?!
-Pse nuk hidhet asfalti përfundimtar e sinjalistika nga Ura e çerenecit deri në Maqellarë ?!
-Pse nuk asfaltohet aksi Bulqizë Ura Vashës?
-Pse dy tunelet janë bërë me kënd 80-90 gradë (rrezik jete) ?!
-Pse ka çeduar aksi dalje e tunelit deri në Klosë ?!
-Pse nuk asfaltohet përfundimisht dhe me sinjalistik aksi ura e Vashës deri tek tuneli?
-Pse u bënë 4 kthesa si në llogara e nuk u ndjek distanca më e shkurtër sipas detyrës projektimit ?!
-Pse nuk mbaron aksi Tiranë deri tek hyrja e tunelit me asfaltim përfundimtar dhe sinjalistikën sipas standartit ?!
-Pse u shty afati i punimeve pa asnjë arsye?
-Kur do të mbaroj përfundimisht rruga e Arbërit ?!
-Pse çmimi i rrugës së arbërit segmenti i filluar nga Ju, është 5-6 herë më shumë se aksi i pa kësaj rruge të mbaruar para 2013 (35 km me 70 milionë euro atëherë dhe Ju 32 km me 336 milonë euro) vetëm 4 vite më vonë ?!
-Pse kjo rrugë u bë me PPP dhe nuk u zbatuan afatet, u dha pa konkurim me vlerë të shtuar dhe me 8% interes bankar vjetor, për pagesat e shtrira në 13 vite ?!
-Rruga e Arbrit duhet të mbaronte për 3 vite dhe pagesa për 13 vite sipas PPP, pse rruga po shkon 13 vite për tu ndërtuat dhe në pagesa për 3 vite, pra e kundërta ?!
-Zonja Balluku, qytetarët e qarkut Dibër duan të dinë, kur do të mbaroj rruga e Arbërit?
Sa do të kushtoj rruga e Arbërit ?!?!
Por, sot!
“Rruga e Arbrit ka mbetur rrugëve” e në fakt e gjithë Shqipëria ka ngelur rrugëve, me këtë qeveri që kemi ?!
